إنفـراد جديد كالعادة للرحاب وبس ... !! عيش لحظات عــرض SMACKDOWN القـــــــــادم 25 / 1 وحصريــاً قبل أى منتــدى فى الدنيــا ..!! ياشبـــاب الرحاب ..
للمرة الاولى ومش أخر مرة إن شاء الله وقبل العرض..عيش لحظات عرض SmackDown القادم وأعرف النتائج قبل أى حد وقبل اى مكان تانى ... كل اللى عليك إنك تقرا اللى حصل وتعرف النتائج .. ليكم صور مناسبة للى حصل علشان نعيش اللحظات بجــد ..!! يلا نبتــدى .. !!
كالعادة الأسبوعين اللى فاتوا العرض مستواه متوسط يكاد يكون ضعيف .. والمصارعين أى كلام .. ربنا يستر على العرض ده!! الماتــش الأول
Handicap Match: Rey def. The Edgeheads by DQ الماتش ده كان تهريج .. يعنى ماتش مرح بسيط وانتهى بفينش ضعيف مفيش فيه قوة وهتيجى القوة منين طول ما إيدج ولا النصابين بتوعه فيها .. المهم الماتش هات وخد وحصلت حاجة غلط فى الماتش والحكم انهى الماتش بالـ DQ فى وقت ما مستريو على وشك يعمل الفنش بتاعه 619 لواحد من أتباع إيدج ...
طبعا التانى راح يجيب كرسى عشان يضرب بيه .. فتوة بئا هنعمله ايه !! بس الواد مستريو مسكتش وعمله springboard dropkick وخبط الكرسى فى وشه .. عفريت يامستريو !! وخلص الماتش بس واضح كده فعلا إن مستريو مش هيعرف يتنفس مع إيدج فى الماتش بتاع الرويال رامبل .. إلا لو حصل حاجة مش طبيعية لإن أكيد النصابين دول ورا إيدج وراه فى ديله .. هنخلص منهم إمتى بس !! الماتــش الثـانى
Jimmy Wang Yang def. Domino by pinfall
نص الماتش ده ممل .. ودوس وشيرى البنت الحلوة اللى معاهم دى عاوزين يتدخلوا فى الماتش .. فطبعا " Shanon Moore " مسكتش وعاوز يساعد صاحبه برضه .. شطار ياحبايبى .. وخلص الماتش بفوز " Yang " ..!! الماتــش الثـالـث
Six Person tag: Noble, Palumbo, and McCool vs. Miz, Morrison, Layla الماتش ده مستمرش كتير وإتقلب بدرى بدرى بس نوبل ده واد خبيث أوى .. الماتش شغال لحد ما نوبل وبولمبو بقوا وجها لوجه جوه الحلبة .. بولمبو دفع نوبل على الحبال وخلا العسل ميشيل ميكول تقع للأسف .. أنا مش عارف الناس دى معندهاش نظر ولا إيه !!
المهم الماتش بقا صراع بين الإتنين دول والباقى خرج من الماتش .. إيه اللى هيحصل ياترى ؟؟ المهم حاجة غريبة حصلت : جابو نقالة وإتحملت ميشيل ميكول على النقالة دى وفضلت قاعدة شوية تتفرج على بولمبو وهوا نازل ضرب فى الفرفور جيمى نوبل .. ياترى إيه اللى هيحصل ؟ ميشيل عاوزة تقوم من ع النقالة عشان توقف بولمبو بس الراجل طرحها أرضاً وفضل نازل ضرب فى الراجل برضه .. شكله كان متغاظ منه أوى !! كل ده بيحصل بئا والبهوات أبطال التاج تيم ميز وموريسون ومعاهم البت بتاعتهم واقفين يتفرجوا .. ده مكانش ماتش مصارعة .. ده تهريج !! كالعادة زى كل مرة بس خلاص دى أخر مرة 00 لازم يقرفونا عشان فيه ماتش بينهم .. المهم !! كل واحد فيهم برضه عمال يقول أنا اللى هفوز أنا اللى هفوز .. طيب يخويا أنتا وهوا أما نشوف هتعملوا إيه مع بعض ياك ميطلعش ماتش تعبان زيكو ولا يخلص بـ DQ ..
Belfast Brawl: Finaly vs. The Great Khali This ends in a No Contest برضه الماتش إتقلب بسرعة .. كالى عاوز يخطف هورنسواجل من بره الحلبة وراح ماسكه وعاوز يرميه ع الترابيزة .. طبعا فينلى مش هيسكت .. الواد عدم كاللى العافية ..مش عارف إشمعنى فينلى اللى بيشطر على كالى بالشكل ده .. بقيت مسخرة ياكالى إنتا كمان .. أما نشوف هيعملوا فيك إيه تانى ..!! ومشى فينلى ومعاه الأوزعة هورنسواجل .. أبطال ياولاد أبطاااال !! مينفعشى العرض ده يعدى من غير باتيستا .. ظهر باتيستا وقال إنه هيكسب الرويال رامبل يعنى هيكسب الرويال رامبل .. ياراجل قول يارب .. هوا إحنا نكره يعنى !! الماتــش الخامــس
The Undertaker def. Big Daddy V
الناس كلها متكيفة أوى بالدخلة بتاعت التيكر .. فى دى عندهم حق .. داخلة ولا أروع من كده Coooool .. المهم مش هنقول أكتر من إن التيكر فاز بالماتش والعجل التانى مارك هنرى جاى فى الأخر عاوز يساعد أخوه شوية .. أما صحيح فريق عجول ..!! الماتــش السادس والأخيـر
Main Event : Edge def. CM Punk طبعا بانك بيلاعب أيدج بقا إنتقاما منه .. مهو كان سبب فى إنه خلاه هيخسر الحزام Ecw .. بيردها ليه فى SD !! للأسف خسر سى بنك من إيدج بعد ما عمل إيدج Spear تانى فى بنك .. مبيحرمش بنك علطول عمال ياخد فى إسبيرات .. !! وطبعا كالعادة النصابين بتوع إيدج كانوا بيتدخلوا كل شوية كده بس على خفيف .. من ورا الحكم يعنى فى الخباسة كده وفى النهاية خسر بنك .. جبته لنفسك إيه اللى جابك هنا !! ده كان أفضل ماتش فى العرض بشكل عام ..!!
«®°·¸•إنفـراد جـديد : عيش لحظات ونتائـج عرض SmackDown القادم 25 /1 حصرياً ·¸.•°®»« 
النمط المتتابع
